ՀՀ Շիրակի մարզի Արևիկ գյուղում առաջին անգամ դպրոց հիմնադրվել է 1904թ-ին։Այն եղել է տարրական (1-3 դասարաններ)։ 1963թ-ից դպրոցը դառնում է միջնակարգ, և քանի որ աշակերտների քանակն ավելացել էր,1968 թվականին ներկայիս դպրոցի տարածքում կառուցվում է դպրոցի նոր, եռահարկ մասնշենք՝ բոլոր հարմարություններով (սպորտդահլիճ, նիստերի դահլիճ, ճաշարան, լաբորատորիաներ, առարկայական կաբինետներ, սպորտհրապարակ,զինապահեստ,ռմբապաստարան և այլն)։ Ցավոք,1988թ-ի Սպիտակի ավերիչ երկրաշարժից շենքը խարխլվում է։ Դասերը կազմակերպվում են դպրոցի սպորտհրապարակում՝վրանային դասարաններում,որոնք հետո փոխարինվում են տնակներով։ 1990թ-ին դպրոցը տեղափոխվում և սկսում է գործել մանկապարտեզի նորակառույց շենքում։ 2002թ-ին ուզբեկ շինարարների կողմից կառուցված ներկայիս դպրոցի կիսակառույց շենքի շինարարությունը Նյու Յորքում գտնվող«Վարդանաց ասպետներ» բարեգործական և «Հայաստանի սոցիալական ներդրումներ» հիմնադրամների աջակցությամբ և ֆինանսավորմամբ ավարտին է հասցվում։ Շահագործման է հանձնվում դպրոցի երկհարկանի շենքը,որն ունի հարմարեցված հանդիսությունների դահլիճ, գրադարան, արհեստանոց, ճաշարան,սպորտհրապարակ։ Դպրոցը գազաֆիկացված է, ջեռուցումը՝կենտրոնացված։